တရုတ် မြန်မာ ချစ်ကြည်ရေး ရုပ်သံဇာတ်လမ်းတွဲ ပြသမည်

November 04, 2013,

တရုတ် မြန်မာ ချစ်ကြည်ရေး အထိမ်းအမှတ်အဖြစ် ရုပ်မြင်သံကြား ဇာတ်လမ်းတွဲတစ်ခုကို နှစ်နိုင်ငံပူးတွဲ ရိုက်ကူးနေပြီး၊ လာမယ့် ၂၀၁၄ ခုနှစ်မှာ ပြသမယ်လို့ နယူယောက်တိုင်း သတင်းစာက ဖေါ်ပြပါတယ်။

ပျူနိုင်ငံတော်က ကခြေသည်ဆိုတဲ့ အပိုင်း ၄၀ ပါ ရုပ်မြင်သံကြား ဇာတ်လမ်းတွဲကို ယူနန်ရုပ်မြင်သံကြားဌာနနဲ့ ရွှေသံလွင်မီဒီယာတို့ ပူးတွဲထုတ်လုပ်ကြတာပါ။ လွန်ခဲ့တဲ့ ၉ ရာစုနှစ်က  မြန်မာမင်းသားတစ်ပါး သူ့ရဲ့ကျော်ကြားတဲ့ အကအဖွဲ့နဲ့အတူ တန်မင်းဆက်ခေတ် တရုတ်ပြည်ကို ခရီးထွက်တဲ့အကြောင်း ဇာတ်လမ်းဖွဲ့ ရိုက်ကူးထားတယ်လို့ သိရပါတယ်။

ဇာတ်ဝင်ခန်းတွေကို ယူနန်ပြည်နယ်နဲ့ ပုဂံမှာရိုက်ကူးခဲ့ပြီး၊ တရုတ်၊ မြန်မာ၊ အင်္ဂလိပ် ဘာသာစကားသုံးမျိုးနဲ့ တင်ဆက်မယ်လို့ဆိုပါတယ်။ ဒါရိုက်တာက ယုရွန်ဂေါင်း ( Yu Rongguang ) ဖြစ်ပြီး ၊ မြန်မာမင်းသားအဖြစ် တက်သစ်စ တရုတ်ရုပ်ရှင်သရုပ်ဆောင် လင်းဂျင်ရှင်း ( Lin Gengxin ) ၊ အမျိုးသမီးဇာတ်ဆောင်က တောင်ကိုရီးယား ရုပ်ရှင်သရုပ်ဆောင် ချုးကျာဟွမ် ( Choo Ja-hyun ) တို့ ပါဝင်ကြတယ်လို့ ဆိုပါတယ်။

ဒီရုပ်မြင်သံကြား ဇာတ်လမ်းတွဲဟာ တရုတ်နဲ့ မြန်မာကြား ပြဿနာတွေ ပြေလည်ပြီး၊ ချစ်ကြည်မှု တိုးတက်လာစေဖို့ဖြစ်တယ်လို့ ယူနန်ပြည်နယ်၊ ကူမင်းမြို့ အရာရှိတွေက ပြောပါတယ်။

မစ်ဆုံနဲ့ လက်ပံတောင်း ပြန်စရေး သမ္မတ ဦးသိန်းစိန်ကို တရုတ် တောင်းဆိုချင်

သတင်း
By: မေစစ်ပိုင်  
တနင်္လာနေ့၊ ဇူလိုင်လ 08 ရက်၊ 2013 ခုနှစ်

ရန်ကုန်မြို့ရှိ မြန်မာနိုင်ငံဆိုင်ရာ တရုတ်သံရုံးမှာ ပြုလုပ်တဲ့ တရုတ်ကုမ္ပဏီများနှင့် မြန်မာမီဒီယာများ တွေ့ဆုံပွဲ (ဓာတ်ပုံ – ဂျေပိုင် / ဧရာဝတီ)

မြစ်ဆုံ ရေကာတာ စီမံကိန်းနဲ့ လက်ပံတောင်းတောင် ကြေးနီစီမံကိန်းကို ဆက်လက် လုပ်ကိုင်ဖို့ သမ္မတ ဦးသိန်းစိန်ထံ ခွင့်ပြုချက် တောင်းချင်တယ်လို့ စီမံကိန်းတွေ တာဝန်ယူဆောင်ရွက်နေတဲ့ မြန်မာဝမ်ပေါင်ကုမ္ပဏီနဲ့ China Power Investment Corporation (CPI) ကုမ္ပဏီရဲ့  တာဝန်ရှိသူတွေက ပြောပါတယ်။

ဇူလိုင် ၆ ရက်နေ့က ရန်ကုန်မြို့ရှိ မြန်မာနိုင်ငံဆိုင်ရာ တရုတ်သံရုံးမှာ ပြုလုပ်တဲ့ တရုတ်ကုမ္ပဏီများနှင့် မြန်မာမီဒီယာများ တွေ့ဆုံပွဲမှာ ဧရာဝတီကို ပြောကြားခဲ့တာပါ။

“ဒီစီမံကိန်းကို ရပ်မနေဘဲ တခြား ရှိတဲ့နည်းလမ်းတွေနဲ့ စဉ်းစားကြဖို့၊ စီမံကိန်းကို ပြန်စနိုင်ဖို့အတွက် သမ္မတကို ခွင့်တောင်းချင်တယ်။ မျှမျှတတနဲ့ လူမှုအဖွဲ့အစည်းထဲမှာ ဖွံ့ဖြိုးတိုးတက်မှုတွေ ရှိလာအောင် ကျနော်တို့ လုပ်သွားမယ်” လို့ မြန်မာဝမ်ပေါင်ကုမ္ပဏီရဲ့  အထွေထွေမန်နေဂျာ Mr. Geng Yi က ပြောပါတယ်။

CPI ရဲ့  မြန်မာပြည် ကိုယ်စားလှယ် Guo Gengliang ကလည်း သမ္မတ ဦးသိန်းစိန်က မြစ်ဆုံစီမံကိန်းကို ရပ်ဆိုင်းဖို့ ပြောပေမယ့် ဆက်လက် လုပ်ဆောင်ဖို့ ဆောင်ရွက်နေတာတွေ ရှိတယ်လို့ ဆိုပါတယ်။

“ကျနော်တို့မှာ မြစ်ဆုံစီမံကိန်းနဲ့ ပတ်သက်ပြီး ဖြေရှင်းချင်တဲ့ ဆန္ဒတွေရှိတယ်” လို့ သူက ပြောပါတယ်။

တရုတ်ကုမ္ပဏီတွေက သူတို့ရဲ့  လုပ်ဆောင်ချက်တွေကို အချိန် အတိုင်းအတာ တခုအထိ စောင့်ကြည့်ပြီးမှသာ ဝေဖန်စေလိုတဲ့အပြင် မြန်မာနိုင်ငံမှာ ဆောင်ရွက်နေတဲ့ တရုတ်ကုမ္ပဏီတွေ အနေနဲ့ သဘာဝပတ်ဝန်းကျင်ကို ထိန်းသိမ်း စောင့်ရှောက်မယ့် အကြောင်း၊ မြန်မာ အလုပ်သမားတွေရဲ့ ဘေးကင်းရေး၊ ကျန်းမာရေးကို စောင့်ရှောက်မယ့် အကြောင်း၊ လူမှုအဖွဲ့အစည်းတွေမှာ တက်ကြွစွာ ပါဝင်မယ်ဆိုတဲ့အကြောင်း၊ တရုတ် – မြန်မာ နည်းပညာ ဖလှယ်ရေး၊ ယဉ်ကျေးမှု စတဲ့ကိစ္စတွေမှာ အားပေးကူညီမယ်ဆိုတဲ့အကြောင်း တရုတ်သံရုံးမှာ ပြုလုပ်တဲ့ မီဒီယာတွေ့ဆုံပွဲမှာ ပြောသွားပါတယ်။

ပြီးခဲ့တဲ့ မေလဆန်းပိုင်းတုန်းက အမျိုးသားဒီမိုကရေစီ အဖွဲ့ချုပ် (NLD) က တရုတ်ကို ရောက်တုန်းမှာလည်း တရုတ်အစိုးရက မြစ်ဆုံပြန်စချင်တဲ့ အကြောင်း လေသံပစ်ခဲ့သလို ဒေါ်အောင်ဆန်းစုကြည်ကိုလည်း CPI က တွေ့ဆုံဖို့ ချဉ်းကပ်ခဲ့ပါသေးတယ်။

“မြစ်ဆုံစီမံကိန်း တည်ဆောက်ရင် နောင်လာနောက်သားတွေအတွက် ဘယ်လောက် အကျိုးကျေးဇူးရှိမလဲ ဆိုတာ အရေးကြီးတယ်။ အဖွဲ့အစည်းတွေ ဆွေးနွေးပွဲတွေ အများကြီးလုပ်ခဲ့ကြတယ်။ ပညာရှင်တွေကလည်းပဲ ဒီစီမံကိန်းဟာ ရေရှည်မှာ အကျိုးမရှိဘူး၊ နောင်မျိုးဆက်တွေ အတွက်လည်းပဲ ဆိုးကျိုးတွေ များမယ်ဆိုတာ ပြောထားပြီးသားကိစ္စပါ” လို့ ၈၈ မျိုးဆက် ပွင့်လင်းလူ့အဖွဲ့အစည်းမှ ကိုအံ့ဘွယ်ကျော်က ဧရာဝတီကို ပြောပါတယ်။

မုံရွာ လက်ပံတောင်းတောင ကြေးနီစီမံကိန်းကို ၂၀၁၀ ခုနှစ်မှာ ဝမ်ပေါင်ကုမ္ပဏီက ရင်းနှီးမြှုပ်နှံငွေ အမေရိကန် ဒေါ်လာ သန်း ၅၀၀ ကျော်နဲ့ ဆောင်ရွက်နေတာပါ။ စီမံကိန်းတဝိုက်မှာရှိတဲ့ ဒေသခံပြည်သူတွေကတော့ စီမံကိန်း ဖျက်သိမ်းရေးအတွက်ပဲ ဆန္ဒရှိနေကြပေမယ့် လက်ပံတောင်း စုံစမ်းရေး ကော်မရှင် ဥက္ကဌ ဒေါ်အောင်ဆန်းစုကြည် ကိုယ်တိုင်က စီမံကိန်းကို ဆက်လက် ညှိနှိုင်းလုပ်ကိုင်ဖို့ အတိအလင်း အကြံပြုထားပါတယ်။

ဧရာဝတီ မြစ်ဆုံစီမံကိန်းကို ၂၀၀၆ ခုနှစ်မှာ တရုတ် – မြန်မာ နှစ်နိုင်ငံ သဘောတူစာချုပ် ချုပ်ဆိုခဲ့ပြီး ၂၀၀၉ ခုနှစ်မှာ CPI ကုမ္ပဏီက ရင်းနှီးမြုပ်နှံမှု ပမာဏ အမေရိကန် ဒေါ်လာသန်း ၂၀၀၀၀ နဲ့ ဦးဆောင် အကောင်အထည် ဖော်ခဲ့တာပါ၊ ဒါပေမယ့် ပြည်သူတွေရဲ့  ဆန့်ကျင်ကန့်ကွက်မှု များလာတာကြောင့် သူ့ရဲ့ သမ္မတ သက်တမ်းအတွင်းမှာ ဆိုင်းငံ့ထားမယ်လို့ ၂၀၁၁ ခုနှစ် စက်တင်ဘာ ၃၀ ရက်မှာ သမ္မတ ဦးသိန်းစိန်က အမိန့်ထုတ်ပြန်ခဲ့ပါတယ်။

တရုတ်ကုမ္ပဏီတွေက ပြဿနာတွေ ပေါ်ပေါက်နေတဲ့ စီမံကိန်းတွေ ပြန်စရေး၊ ပြေလည်ရေးတို့အတွက် အစိုးရအပြင်၊ အတိုက်အခံများ၊ တက်ကြွလှုပ်ရှားသူများနဲ့ ညှိနှိုင်းဆွေးနွေးမှုတွေ ပိုမိုပြုလုပ်လာတာဟာ အမေရိကန်နဲ့ ဥရောပ နိုင်ငံများက ရင်းနှီးမြှုပ်နှံမှုတွေ မြန်မြန်ဆန်ဆန် ဝင်ရောက်လာနေချိန်နဲ့ တိုက်ဆိုင်နေပါတယ်။

Source; http://burma.irrawaddy.org/archives/43937#.Ud6zvP275hM.facebook

မြန်မာ - တရုတ် စီးပွားရေးတွေ့ဆုံပွဲကျင်းပ

Thursday, 23 May 2013
Written by ရောင်စဉ်

တရုတ်နိုင်ငံ၊ CCPIT Sichuan မှ ဒုဥက္ကဌ Mr.Zhu Xiaojin ဦးဆောင်မှုဖြင့် တရုတ်ကုမ္ပဏီ(၄၀) မှ တရုတ်စီးပွားရေးလုပ်ငန်းရှင်များပါဝင်သော ကိုယ်စားလှယ်အဖွဲ့နှင့် မြန်မာနိုင်ငံမှ စီးပွားရေးလုပ်ငန်းရှင်များသည် မေလ(၂၃)ရက်နေ့ မနက်(၉း၃၀)တွင် ရန်ကုန်မြို့ Traders Hotel တွင် 'SICHUAN-MYANMAR BUSINESS MATCHING SESSION 2013' ခေါင်းစဉ်ဖြင့်ဆွေးနွေးပွဲတစ်ရပ်ကျင်းပခဲ့ကြောင်း သိရသည်။အဆိုပါဆွေးနွေးပွဲအားMyanmar Tourism Resource မှကြီးမှူးကျင်းပခဲ့ခြင်းဖြစ်ပြီး တရုတ်နိုင်ငံ၏ကုမ္ပဏီပေါင်း (၄၀)မှ ကိုယ်စားလှယ်များနှင့် မြန်မာကုမ္ပဏီပေါင်း (၁၀၈)ခုမှ စီးပွားရေးလုပ်ငန်းရှင်များ တက်ရောက်ခဲ့ကြကြောင်း သိရသည်။

ထိုသို့ဆွေးနွေးရာတွင် တရုတ်နိုင်ငံမှ စားသောက်ကုန်ထုတ်လုပ်ငန်း၊ သတ္ထုတွင်းလုပ်ငန်း၊ ဆောက်လုပ်ရေးသုံးစက်ပစ္စည်းလုပ်ငန်း၊ ဖိအားသုံး စက်ပစ္စည်းလုပ်ငန်း၊ သင်္ဘောလုပ်ငန်းနှင့် စက်မှုအပိုပစ္စည်းလုပ်ငန်း၊ မီးအားပေးစက်လုပ်ငန်း၊ လျှပ်စစ်ပစ္စည်းနှင့် ၀ါယာကြိုးခွေထုတ်လုပ်ငန်း၊ စိုက်ပျိုးရေးလုပ်ငန်း၊ သားငါးမွေးမြူရေးလုပ်ငန်း၊ အအေးခန်းသိုလှောင်ရေးလုပ်ငန်း၊ ပရိဘောဂလုပ်ငန်း၊ ကော်ဇောထုတ်လုပ်သည့်လုပ်ငန်း၊ သဘာဝဓါတ်ငွေ့လုပ်ငန်း၊ သေတ္တာနှင့်သော့ ထုတ်လုပ်လုပ်ငန်း၊ ဆက်သွယ်ရေးနှင့် နည်းပညာဆိုင်ရာလုပ်ငန်း၊ စုပ်စက်အမျိုးမျိုးလုပ်ငန်း စသည့်လုပ်ငန်းများအား မြန်မာ-တရုတ်နှစ်နိုင်ငံမှ စီးပွားရေးလုပ်ငန်းရှင်များမှ ရင်းနှီးပွင့်လင်းစွာဆွေးနွေးခဲ့ကြောင်း သိရသည်။

လာရောက်ဆွေးနွေးမှုပြုခဲ့ကြသော CCPIT သည်တရုတ်နိုင်ငံအစိုးရလက်အောက်ရှိအဖွဲ့အစည်းတစ်ခုဖြစ်ပြီး နိုင်ငံတကာနှင့် ကုန်သွယ်မှုများ ပြုလုပ်ရန်တာဝန်ယူရသောအဖွဲ့အစည်းအစည်းတစ်ခုဖြစ်ကာအင်ဒိုနီးရှား၊ မလေးရှားနိုင်ငံနှင့် မြန်မာနိုင်ငံများသို့ ခရီးစဉ်သုံးခုခွဲကာ စီးပွားရေးလုပ်ငန်းများ ပူးပေါင်းဆောင်ရွက်ရန် ဆောင်ရွက်ခဲ့ခြင်းဖြစ်ကြောင်းသိရသည်။

၎င်းတို့၏ တတိယမြောက်ခရီးစဉ်အဖြစ် မြန်မာနိုင်ငံသို့လာရောက်ခဲ့ရခြင်းဖြစ်ပြီး ၄င်းတို့၏အဓိကရည်ရွယ်ချက်မှာ မြန်မာအစိုးရနှင့်ပူးပေါင်းကာ အမျိုးမျိုးသော စီးပွားရေးထုတ်ကုန်လုပ်ငန်းများအတွက်မြန်မာနိုင်ငံတွင်ကိုယ်စားလှယ်များထားရှိကာ လက်တွေ့ထုတ်လုပ်ရောင်းချသော သင်တန်းများပေးကာချိတ်ဆက်လုပ်ကိုင်လိုကြောင်းနှင့်လက်ရှိတွင် မြန်မာနိုင်ငံ၏ နိုင်ငံရေးပြုပြင်ပြောင်းလဲမှုများကြောင့် နှစ်နိုင်ငံအကျိုးတူပူးပေါင်းဆောင်ရွက်မှုများပြုလုပ်ရန် ကောင်းမွန်သောအချိန်အခါဖြစ်သောကြောင့် နှစ်ဦးနှစ်ဖက်အကျိုးရှိသောအစီအစဉ်ဖြစ်ကြောင်း CCPITမှတာဝန်ရှိသူတစ်ဦး၏ပြောကြားချက်အရသိရသည်။